Soldier drink beer some sip R White
Big plane a drop bomb from some tall height
Phosphorus light the place like a starlight.
Terrorise poor people dem –all night
Get drunk back a di barrack and have- more fight
Democracy dem a bring – so it alright?!!
Mass destruction weapons- well dats more hype
African weh you do fi get --more stripe?
___________
Black man--- know wey you a fight for!
Know which cause you a die for
Fi get you stay-no tek innocent life ya
No fly dem jet fighter
Beg yu be no sniper
wallah wallah wallah wallah!!!
so dem hyper
Or sh*t up fi dem diaper
Worse - start lick di crack pipe ya..
After
dem send you go a Basra
Big gun in helicopter
Watch di bloodclart / him get capture
“infidel –why you caught in the rapture�
Bacra bwoy history book
Think mi would a go sign dem chapter?
Keep you Vicky Cross/ “Tacky a mi Daddy boss�
Nah tun no private /corporal/ neither no sub-mariner
Captain Sambo— f**ker did full a stamina…
Some sey dem a warrior
Come back to dem country still a pariah
Still dem sey “di Army have no barrier�
Don’t be surprised if di Officer
Call you coon/ or N****r
Then want you fi pull trigger
To help Afgan drug trafficker
Tun Imperial racketeer
Wazungu war why mi a back it for?
After mi nah smoke Crackula??
You really think mi Nanny would a back it sah?
_____
Remember Christopher Alder
Go Falklands ina body armour
Him would a never guess 20 years after
Police would a hold him / in a stranglehold and buss laughter
So dem kill him and send fi di embalmer
Babylon long arm a
see it up front- pon Panorama
It would have to be a major drama
Like Chinese invade di harbour!
Before mi rise di machine and take order!
Bow to Liz? When Tacky a mi Father!
Still mi would a rather
Take order from mi bredder pon di corner.
No trust no Babylon snake charmer
Mi Pupa was a farmer
Long time now him cross over di water
Mi grandfather no cross nuh imperial border!!
__________
Soldier drink beer/ some sip R White
Big plane drop bomb from some tall height….
Last edited on Tuesday May 22nd, 2007 16:50 by Bredder Tukoma
____________________
Click here for your Black Profile
|
